‘Kultura Plazara!’ ekimenaren xehetasunak
Uztailean, Gasteizko auzoetako kaleko arte eszenikoek irabazi egingo dute. ‘Kultura Plazara!’ egitasmoaren baitan, zortzi ikuskizun eskainiko dira astearte eta ostegunetan, txotxongilo, dantza, magia, clown, zirku eta antzerki estiloan, umorez betetako saioak.
Programazioa
Gasteizko Udalak, ekimen hau euskal konpainien arteen sorkuntzak ezagutzeko aukera bezala definitzen du, eta baita Valentziatik eta Andaluziatik iritsiko diren konpainiak ezagutzeko. Asteartean, uztailaren 7an, hasi eta Zabalganeko gizarte etxean, Chicharrón konpainia andaluziarrak ‘Sin Ojana’ dantza eta malabare ikuskizuna eskainiko du. Osteguneko saioa, uztailaren 9an, Ganso&Cía konpainiaren ‘Panoli Kabareta’ alegia, Caracaseko kalean izango da, 19:30ean.
Uztailaren 14an, Ibaiondo gizarte etxean, La Pez taldearen ‘La Plaza’ obra eskainiko da, eta Teatro Firulete konpainiak ‘Ovidioren bidaia’ txotxongilo ikuskizuna prestatu du Abetxukuko kiroldegian uztailaren 16an. Hegoalde gizarte etxea zirkuz beteko da uztailaren 21ean Orain-Bi taldearen ‘Mute’ lanarekin, eta Andoni magoak ‘DesOrekatua’ ikuskizuna eskainiko du Salburua gizarte etxean.
Uztailaren azken astean, El Mono Habitado taldearen ‘El Juego de la boca’ obra ikusgai egongo da Judimendiko parkean eta Jimena Cavalletti valentziarra ‘B.O.B.A.S.’ lana eskainiko du azkeneko saio gisa.
