Foru Aldundiak A-3641 errepidearen hobekuntza proiektuaren kronograma aurkeztu du
Vitoria-Gasteiz, 2026ko ekainaren 18a. – Jon Nogales, Mugikortasun Jasangarriaren eta Bide Azpiegituren Saileko foru diputatuak, gaur Okondoko Udalarekin A-3641 errepidearen hobetze proiektua gauzatzeko kronograma partekatu du. Jarduketa hau Aiaraldeko komunikazio bidearen segurtasuna indartzea helburu duen esku-hartze zerrendari lotuta dago.
Urte honen uztailean proiektuaren idazketa lizitatzeko asmoa dute, 2027eko amaieran obren lehen fasea abiarazteko. Proiektu hau sailarentzat lehentasunezko danez, epeak ahalik eta gehien laburtzeko lan egingo dute.
Nogalesek Okondoko alkatearekin, Jon Escuzarekin, eta Aiarako alkatearekin, Prudencio Otegirekin, bildu dira bi udalerrietako udaletxean. Bilera horretan, foru diputatuak esku-hartze honek A-3641 errepidearen segurtasuna hobetzeko ezinbestekoa dela azpimarratu du, hau da, 2016-2027 aldirako Arabako Errepideen Plan Integralak jasotzen duena.
Proiektua bi fasetan gauzatuko da, 10 kilometroko luzerako trazadura hobetzeko irtenbide teknikoak bilatuz. Esku-hartzeak trazadura 50-60km/h-ko abiadurarako egokituko du, eta hainbat bidegurutze hobetuko ditu.
Gainera, Okondo eta Zuhatza herrien artean, udalerrien hirigintza plangintza kontuan hartuz, abiadura moteltzeko neurriekin egokitzapenak egingo dituzte. Proiektuaren helburua bide segurtasuna eta erabiltzaileen erosotasuna hobetzea da.
