Ertzaintzako funtzionarioen hauteskundeak
Bihar, martxoaren 26an, ertzaintzako funtzionarioen ordezkari sindikalak aukeratzeko hauteskundeak egingo dira. Indarrean dagoen erroldaren arabera, 7.078 ertzainek dituzte botoa emateko aukera. Herrialdeka, Araban 1.375 ertzainek, Bizkaian 3.755ek eta Gipuzkoan 1.948k parte hartuko dute. Guztira, 17 ordezkari aukeratuko dituzte Araban, 23 Bizkaian eta 20 Gipuzkoan.
Hauteskunde sindikaletarako, aurretik botoa emateko epea martxoaren 24an amaitu zen, eta guztira 3.996 pertsonak eman dute botoa.
Bihar, goizeko 10:00etatik arratsaldeko 18:00etara izango dute ertzainek botoa emateko aukera. Gorabeherarik ezean, behin-behineko emaitzak 20:00ak inguruan jakinaraziko dira.
2022ko datuak
Aurreko hauteskunde sindikalak 2022ko otsailaren 10ean egin ziren, eta egun, sindikatuek Ertzaintzan duten ordezkaritza hau da:
- ERNe: 22 ordezkari
- ESAN: 20 ordezkari
- EUSPEL: 10 ordezkari
- SIPE: 7 ordezkari
- ELA: 4 ordezkari
Oharra: Segurtasun sailak goizean zehar irudiak eta argazkiak bidaliko ditu.