Trans Memoriaren Egunaren Dekretuaren Onarpena
Gobernu Kontseiluak azaroaren 20a Euskadiko Trans Memoriaren Eguna izendatzeko dekretua ofizialki onartu du. Ekimen honek trans pertsonen aitorpen instituzionala, memoria eta ikusgarritasuna indartzen ditu.
Dekretuaren helburua data ofizial bat ezartzea da, Euskadiko trans pertsonen memoria oroitzeko. Horretarako, 4/2024 Legearen zehaztapenak jorratzen dira, baita administrazio publikoei memoria berreskuratzeko eta oroimen eguna sustatzeko agindua ere.
Ekimen hau NAIZEN, ERRESPETUZ eta LORATUZ LOTU elkartekin landu eta adostu da, eta azaroaren 20a data gisa aukeratu da Eusko Jaurlaritzarekin lankidetzan.
Eusko Jaurlaritzak konpromisoa indartzen du gizarte inklusiboagoa eta aniztasuna errespetatzen duenarean, LGTBIQ+ pertsonen errealitatea politiketan txertatuz. Dekretuak genero-identitateagatik diskriminazioa eta eskubide-urraketak jasan dituzten pertsonen oroitzapena babesteko asmoa du, baita Euskadi pluralago bat eraikitzen laguntzeko ere.