Arabako Aldundiak 279.000 euro baino gehiago banatu ditu saltokien laguntzarako
Arabako Foru Aldundiak 279.000 euro baino gehiago banatu ditu lurraldeko 138 saltokiren artean, teknologia hobetzeko, online salmenta proiektuak garatzeko, lokalak modernizatzeko eta irisgarritasun obrak egiteko.
Ekonomia laguntzek saltokien publizitate eta sustapen ekintzak finantzatzeko aukera emango dute, eta helburua Araban 11.000 pertsonari lana ematen dien merkataritza sektorearen lehiakortasuna indartzea da. Cristina Gonzalez, Enplegu, Merkataritza eta Turismo Saileko foru diputatuak, eta Felipe Garcia arloko zuzendariak prentsaurrekoa eman dute laguntzen berri emateko.
Lehenengo laguntza deialdiak 130 saltokiri lagunduko die 218.300 eurorekin. Horretaz gain, bigarren laguntza lerro bat ere iragarri da, 60.000 euroko aurrekontua izango duena saltokiak eta dinamizazio ekintzak finantzatzeko. Horrela, lurralde sareko saltokiak indartzen lagundu nahi da.
