Eusko Jaurlaritzak dirulaguntzak goi-mailako kirol lehiaketei
Eusko Jaurlaritzak 300.000 euroko dirulaguntza bideratuko du Euskadiko goi-mailako kirol lehiaketak antolatzeko. Gobernu Kontseiluak deialdia onartu du, eta nazioarteko mailako lehiaketak izango dira dirulaguntzaren onuradun. Deialdi honetatik kanpo geratuko dira kirol erakusketak eta nazioarteko izaera ez duten lehiaketak.
Laguntza hauek jaso ahal izango dituzten kirol ekimenak hurrengoak dira:
- Nazioarteko edo europar federazio baten egutegi ofizialaren barruan izatea.
- Mundu-mailako lehiaketetan, bi kontinenteetako kirolariek parte hartzea.
- Bi herrialdetako kirolariek parte hartzea lehiaketa guztietan.
- Zirkuitu edo liga formatuko lehiaketetan, bi herrialdetan edo gehiagotan antolatzea.
- Tenis, surf eta boxeo modalitateetarako dirulaguntzak, federazioen egutegian sartuta dauden lehiaketetarako bideratuko dira.
Dirulaguntza eskatzeko epea hilabetekoa izango da deialdia argitaratu eta hurrengo egunetik aurrera. Aurreko deialdian 35 goi-mailako kirol proba lagundutakoak izan ziren, tartean Zornotzako Nazioarteko Krosa, Gorbeia Suzien Skyrace eta Zegama-Aizkorri mendi maratoia.
