Iruña Oka, garapenaren eta turismo jasangarriaren eredu
Turismo, Merkataritza eta Kontsumoko sailburuak, Iruña Okako alkate Mitxel Montesekin batera, Iruña Okako udalerriaren sorreraren 50. urteurrena ospatzeko ekitaldian parte hartu du. Ekitaldian Lurralde Orekako eta Lurralde Antolamenduko foru diputatuak eta gobernu-ordezkariak ere izan dira.
Sailburuak adierazi duenez, Iruña Oka lankidetzan, berritzeko ahalmenean eta bere ondare bikainaren aprobetxamenduan oinarritutako identitate propio bat eraikitzen jakin du. Hitzaldian, Iruña Okaren hazkuntza, elkarrekin lan egitearen emaitza izan dela azpimarratu du, eta 50 urte geroago, oraindik ere horixe dela bere garapenaren funtsezko irizpidea.
Era berean, Iruña Oka Euskadiren barruan duen balio estrategikoa sustatu du, bertan dauden erakargarritasun natural eta historiko garrantzitsuenen adibide gisa, hala nola Iruña-Veleiako aztarnategia, Done Jakue Bidea edo Santa Katalinako Lorategi Botanikoa.
Horrez gain, Turismo, Merkataritza eta Kontsumo Sailaren eta Iruña Okako Udalaren arteko lankidetza nabarmendu du, udalerriaren eta Arabako lurraldearen hazkuntzan laguntzeko proiektuak garatzeko garrantziaz.
Iruña Okako helmugako Jasangarritasun Turistikoaren Plana aintzat hartu du, Europako Next Generation EU funtsetatik finantzatuta. Proiektu honen bidez Santa Katalinako lorategia hobetzeko helburuak jarri dira, bere jasangarritasuna eta turismoa handituko dituen moduan.
Amaitzeko, sailburuak zorionak eman dizkie azken 50 urteetan udalerriko historiaren parte izan diren pertsonei, lan egin duten entitate eta elkarteei eta Iruña Okaren etorkizuna eraikitzen duten herritarrei.
