Arabako eta Bizkaiko foru aldundien lankidetza
Vitoria-Gasteiz, 2026ko martxoaren 19a. Bizkaiko eta Arabako foru aldundiek lankidetza hitzarmen bat sinatuko dute Gorbeiako gurutzearen zimendua konpondu eta hobetzeko obrei ekiteko. Elementu enblematikoa den Gorbeiako gurutzea, mendiaren gailurrean kokatzen da Kontserbazio Bereziko Eremuaren (KBE) eta Gorbeiako Parke Naturalaren barruan.
Gaur egungo gurutzea duela ehun urte baino gehiago ezarri zen eta bisitarien kopurua handia denez, klimaren inguruko baldintza bereziek higadura prozesu bat sortu dute. Egitura Arabako eta Bizkaiko lurralde historikoen arteko administrazio-eremuan dago, eta horregatik, bi aldundiek hitzarmena sinatu dute mantentze-lanak egin ahal izateko.
Hitzarmenaren xedea bi administrazioen arteko lankidetza egituratzea da, obrek aurrera egiteko beharrezkoak diren txostenak eta baimenak izapidetzeko, bai eta ingurunea mantentzeko eta kontserbatzeko obrak egitea ere. Aurreikusitako inbertsioa 167.742,78 eurokoa izango da, bi administrazioen artean %50eko partekatzearekin.
